www.btv-bosseln.de
Übers Boßeln gib es sicher viele Lieder und Gedichte, ich möchte als Ostfriese hier nur das Ostfreeslandlied und ein kurzes Gedicht was mir gut gefällt, vorstellen:
                                                                                                                                                                           

Ostfreeslandlied
In Ostfreesland is't am besten
In Ostfreesland is't am besten, over Freesland geiht de niks.
War sünd wall de Wichter mojer, war de Jungs wall so fix.
In Ostfreesland mag ik wesen, anners nargens lever wesen,
over Freesland geiht der niks.

Nee, 't is nargens beter, as war hoch de Dieken stahn,
war up't Eiland an de Dünen, hoch hennup de Bulgen slaan;
war so luut de Nordsee bullert, war ji könen up de Dullert 
Dreemast - Scheepen fahren sehn, Dreemast - Scheepen fahren sehn.

Nargens bleiht de Saat so moje, nargens is de Buur so riek,
nargens  sünd de Kojen fetter, nargens geiht de Ploog so liek,
nargens gifft so faste Knaken, wet man leckerder to maken
Botter, Kees 'un Karmelkbree, Botter, Kees 'un Karmelkbree.

War in d'Wagen Törf un Kienholt, worden haalt van't Hochmoor heer,
war de hele Welt sük lüstig, maakt up't Is bi't Genferbeer;
war sin't Feld mit Kloten scheeten, war se Bookweit-Schubbers eten,
Harm up Freersfoten geiht, Harm up Freersfoten geiht.

För Ostfreesland, för Ostfreesland, laak ik Bloot und Leven geern,
weer ik man weeer in Ostfreesland, war so mennig söte Deern.
In de Frömde wünsk ik faken: Kunn 'k doch moder Breepott kaken
Hören weeer in d'hörn bi't Füür,Hören weeer in d'hörn bi't Füür.

Dat Eierbeer / J.Jungvogel    1903
Is Fastelabend, höört de Pläseer,
Klootscheeten geit los um Eierbeer.
So namiddags um twee de Klock
smitt jeder uit sien West un Rock.
Un man paart sück dann veer bis veer
un schüt denn Kloot um Eierbeer.
Dat geit so lang, bit möj den Been,
un man van 'd Kloot kann nichts mehr sehn.
Dann geit mit so een lütt'Alarm
na d'Kroog dann hen de ganze Swarm.
Dar drinkt denn jeder mit Pläseer
gemütlich sien Glas Eierbeer.

Dat Klootscheeterleed
von Richard Büsing

Wenn de Wind weiht öwer Kluten
Wenn to Is dat Water frust,
Drängt de Boßeler na buten,
Rögt sick de Klootscheeterluft.
Kribbeln geiht dör Mark un Sehnen
Un de Bost de deiht sick dehnen
To de Losung fell un lut:
Hurra! Lüch up! un fleu herut!

Kickt de Städter dör de Schieben
Achtern Aben mollig warm,
Mag he geern bi Mutern blieben
Wi swenkt lewer usen Arm .
Beter ist' in't Feld to lopen,
Wo van wieden man hört ropen:
Rund herum so fell un lut:
Hurra! Lüch up! un fleu herut!

Schleswig-Holsteens Volk, Ostfreesen,
Oldenburger Norderkant,
Alle stammt se van de Freesen,
Sünd Jahrdusend stammverwandt,
All sien Dage möt ji weeten,
Hewt se all mit Boßels smeten;
Alltied klung et fell un lut:
Hurra! Lüch up! un fleu herut!